Стотици прилепчани со поздрави и аплауз го пречекаа лидерот на ВМРО-ДПМНЕ, Никола Груевски кој денеска остварува средби со граѓани во Прилеп.Од таму Груевски најави значајни проекти за развојот на градот, а една од позначајните е новата инвестиција која ќе отвори нови 1000 вработувања.
Меѓу останатите проекти наменети за Прилеп се: Изградба на нов театар и темелна обнова на Домот за култура, Темелна обнова за спортската сала „Македонија“ каде се планира да се вложат 1,5 милиони евра.
Како што наведе Груевски, предвидена е изградба на пет баскет игралишта, како и тениски терени. Посочувајќи дека Владата предводена од ВМРО-ДПМНЕ во изминатиот период вложила многу во спортот, но била и критикувана дека нема доволно финансии во оваа област, Груевски ги претстави новините од Законот за спорт и Законот за данок на добивка што ќе стапат во сила на 1 јануари.
– Со нив се дозволува дел од данокот на добивка компаниите наместо да го уплатуваат во Буџетот, да го инвестираат во спорт, рече Груевски, нагласувајќи дека максимално ќе се внимава да не се прават малверзации.
– Во наредните четири години во Прилеп се планирани многу проекти во различни области, рече Груевски, посочувајќи дека се предвидени и нови фасади во Старата чаршија. Од таму Груевски најави значајни проекти за развојот на градот, а една од позначајните е новата инвестиција која ќе отвори нови 1000 вработувања.
