Рускиот премиер Димитриј Медведев денес објави порака на својот Фејсбук профил по која, без сомневање, европскиот политички врв во Брисел и нивните колеги во водечките европски држави нема да има мирен сон. Пораката уследи откако украинскиот премиер Петро Порошенко од денес го прекина примирјето за кое вети дека ќе биде во сила се додека не завршат преговорите за мирно решение на украинската криза, и со тешка артилерија и авиони започна масивно бомбардирање по кое само во околината на Луганск и некои предградија на Доњецк имаше десетина жртви од кои повеќето се цивили, а патем во Краматорск е бомбардирано и уништено и едно училиште. По овие акции, Брисел најави дека Русија не соработува со Порошенко, и дека е можно следно ниво на санкции против Москва.
Одговорот стаса брзо, преку порака на рускиот премиер која ја пренесе и агенцијата Ројтерс. Медведев изјави дека Порошенко, со едностран прекин на примирјето, направил драматична грешка и дека сега мировните преговори и мирното решавање на проблемот е далку потешко отколку претходно.
Постојат правила дури и во војните, изјавил Медведев, а во Украина тие се прекршени. Медведев најави и тешка енергетска криза во Европа, и односите на релација Европа-Русија наесен, заради проблемите кои ќе се јават со испораката на руски гас преку Украина која е на црната листа на руските енергетски компании, а патем и речиси половина од рускиот гас за Европа патува преку Украина која сега е изземенеа од понатамошната испорака заради долг од околу 3 милијарди евра.
Украина, по рускиот прекин на испорака за нивни потреби, сега без дозвола краде гас од резервоарите и гасоводните цевки кој е наменет за Европската унија.Земјите на Европската унија користат руски гас околу 30 проценти од своите потреби, и оваа закана на Медведев сериозно влијае врз енергетската стабилност на најголемите индустриски сили во Европа, и е загрижувачка информација за фирмите и граѓаните на Европскта унија. Дека има причина за загриженост, и дека се отвара нов страница на рускиот однос кон украинската криза говори и податокот дека вчера и денес во Москва се покренти неколку обвиненија за убиства и воени злосторства против видни украински функционери, пред се против министерот за внатрешни работи Аваков по кој е распишна и меѓународна потерница.
Извор:media.mkПораката уследи откако украинскиот премиер Петро Порошенко од денес го прекина примирјето за кое вети дека ќе биде во сила се додека не завршат пре
