Претседателот на Собранието на Република Македонија Трајко Вељаноски претпладнево на маргините на Европската конференција на претседатели на парламенти во Стразбур, има средба со претседателот на Парламентот на Грција Никос Вуцис, пренесе МИА.Ова е прва средба на претседатели на законодавните домови на Македонија и на Грција.
Во рамки на Европската конференција на претседатели на парламенти, Вељаноски ќе има обраќања посветени на „Миграциите и бегалската криза во Европа – улогата и одговорностите на парламентите“ и „Националните парламенти и Советот на Европа: Заедничко промовирање на демократијата, човековите права и владеење на правото“.
Предвидено е Вељаноски да има неколку билатерални средби со неговите колеги учесници на конференцијата.
Претседателите на парламентите на 47 земји-членки на Советот на Европа, државите набљудувачи и соседи, како и претседателите на меѓупарламентарните собранија денеска и утре во Стразбур ќе дебатираат на повеќе актуелни теми.
Првата ваква Европска конференција на претседатели на парламенти се одржала во 1975 година. Конференцијата се одржува секои две години, алтернативно во Стразбур и во една земја-членка на Советот на Европа.Ова е прва средба на претседатели на законодавните домови на Македонија и на Грци
