Американските тенкови Абрамс, кои САД планираат наскоро да ги префрлат во Украина, нема да и помогнат на украинската армија да ја промени ситуацијата на бојното поле, тврди за Велт поранешниот германски генерал Клаус Витман.
„Не постои оружје што може радикално да го промени текот на настаните“, ја коментираше тој најавата за испраќање американски тенкови.
Витман, исто така, истакна дека Украина никогаш не го добива навреме потребното оружје.
„Се што испраќаме е добро оружје. Сепак, повеќето од нив се испорачуваат предоцна. Освен тоа, наскоро земјата ќе се претвори во кал, а потоа ќе дојде зимата“, заклучи тој.
Претходно портпаролот на Пентагон Патрик Рајдер изјави дека американските тенкови Абрамс ќе пристигнат во Украина во „наредните денови и недели“.
Тој додаде дека испораките се одвиваат „според планот“. САД ветија дека ќе пренесат во Украина баталјонски сет тенкови Абрамс – 31 единица.
М1 Абрамс е третата генерација американски главен борбен тенк. Тој е еден од најтешките тенкови во употреба со тежина од речиси 68 тони.
Користи турбински мотор, композитен оклоп Chobham, компјутеризиран систем за контрола на огнот и посебно складирање на муниција, вклучително и осиромашен ураниум.
Поновите варијанти на Abrams користат КАЛИБАР од 120 mm, означен како M256.
Извозната верзија ја користат армиите на Египет, Кувајт, Саудиска Арабија, Австралија, Полска и Ирак.
Пронајдете не на следниве мрежи:
