Бил Гејтс вели дека овој лек, со кој бил лекуван Доналд Трамп, е шанса да ја убиеме короната!

Американскиот милијардер и филантроп Бил Гејтс повторно на Твитер изјави дека третманот со имунотерапија или моноклонални антитела е најдобрата шанса да ја победиме короната, односно третманот што што засега најмногу ветува.
Третманот со моноклонално тело е малку познат третман кој го спасил од коронавирусот и американскиот претседател Доналд Трамп. Гејтс во својот пост на Твитер додал дека канадски научници работат на тоа овој „лек што може да спаси животи“ да биде достапен на луѓето ширум светот.
Студиите покажале дека таквата терапија, доколку се примени на време, може да ги намали стапките на хоспитализација до 70. проценти и на тој начин да спаси животи, особено кај оние групи кои имаат поголем ризик од развој на потешка форма на инфекција со ковид-19. Сепак, се чини дека малку луѓе, но и здравствени работници знаат за овој метод, како што напиша Си-Ен-Ен.
Американската администрација за храна и лекови (ФДА) издаде итно одобрување за употреба на „бамланивимаб“ или моноклонални антитела на компанијата „Ели Лили“ на почетокот на ноември. Помалку од две недели подоцна, Агенцијата итно го одобри коктелот од моноклонални антитела на Регенерон, РЕГЕН-ЦОВ2, кој се состои од две такви антитела – „казиривимаб“ и „имдевимаб“. Овој коктел го примил американскиот претседател Доналд Трамп кога се зарази со коронавирус на почетокот на октомври.


ФДА препорачува моноклонални антитела да се даваат што е можно порано, или веднаш по појавата на првите симптоми или позитивен резултат од тестот. Поради ограниченото снабдување со овој лек, одобрението е ограничено на пациенти со висок ризик, како што се луѓе над 65. години, лица со висок индекс на телесна маса или други хронични болести.
Во неодамнешното интервју за американскиот Си-Ен-Ен, Бил Гејтс, коосновач на Мајкрософт, исто така презентираше „лоши вести“ за оние кои оптимистички се надеваат дека пристигнувањето на вакцината ќе стави крај на пандемијата на коронавирусите.
„За жал, следните четири до шест месеци ќе бидат најлошите месеци од пандемијата“, рекол Гејтс и додал дека се предвидува дека најмалку уште 200.000 луѓе ќе ја загубат битката со короната само во Америка. Сепак, тој исто така истакнал дека може да се избегнат голем број смртни случаи ако носиме маски.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.