Главниот бугарски обвинител Иван Гешев патувал со семејството во моментот на нападот на неговата колона, јавува агенцијата ПИК.
Гешев кратко и изјави на новинарката: „Добро сум. Се плашам за децата!“
Експлозијата се случила околу 11:45 часот на патот Софија – Самоков.
Според информациите на ПИК, покрај обвинителот, во колоната биле и неговата сопруга Детелина Ханчева и нивните ќерки Ивет и Далија.
Експлозивната направа експлодирала пред еден од автомобилите во поворката на јавниот обвинител. И покрај првичните информации дека е повреден обезбедувач на Иван Гешев, главниот секретар на МВР Петар Тодоров соопшти дека нема повредени.
Бугарските служби во текот на вчерашниот ден соопштија дека најверојатно се работи за обид за атентат на Гешев.
Пронајдете не на следниве мрежи:
