Наместо да посакувате убав и стегнат задник ова лето, преземете нешто и почнете со овие едноставни вежби.
Доколку сакате да постигнете резултат, мора малку да се помачите, но може да почнете со лесни вежби кои носат добри резултати.
Тајната за успех се крие во упорноста, па ако сакате да постигнете добар резултат, потрудете се секој ден да вежбате.
Во продолжение ви предлагаме неколку вежби кои ги практикуваат дури и ангелите на Victoria’s Secret.
15-минутен секојдневен тренинг со лесни вежби за затегнат задник:
Вежба 1
Застанете исправено со рацете пуштени покрај телото и ставете го глуждот од левата нога на коленото на десната.
Чучнете, а додека се спуштате поставете ги рацете пред вас во висна на рамениците како на фотографијата и не го навалувајте телото многу нанапред.
Повторете 15 пати со едната и 15 пати со другата нога.
Вежба 2
Легнете на стомак на рамна површина и свиткајте ги нозете во колената.
Кренете ја едната нога колку што можете нагоре и обидете се колковите да ви останат прилепени за подот. Движењата правете ги бавно.
Повторете 15 пати со двете нозе.
Вежба 3
Застанете исправено со рацете свиткани кај лактот, така што дланките ќе ви дојдат во линија со рамениците.
Скокнете и кренете ги рацете нагоре, а при спуштањето, чучнете и допрете го подот со дланките.
При враќање во почетна положба држете го грбот исправен.
Повторете 20 пати.
Вежба 4
Клекнете на колена и навалете се нанапред така што ќе се потпрете на лактите, а едната нога ќе ја кренете поставена паралелно со подот.
Полека, нишајте се дијагонално, прво кон ногата на која се потпирате, па потоа на другата страна.
Повторете 20 пати со двете нозе.
Вежба 5
Легнете на страна, спојте ги нозете и стапалата, а рацете ставете ги зад глава.
Одвојувајте ги и спојувајте ги колената како на фотографијата, со темпо кое вам ви е пријатно.
Повторете 12 пати на двете страни.
Вежба 6
Легнете на страна, свиткајте ги нозете во колената и подигнете ја едната нога нагоре.
Правете бавни кружни движења во насока на часовникот.
Повторете 10 пати на двете страни.
