Состојбата со енергетскиот сектор е катастрофална, истакна во гостување во Бизнис муабети министерката за енергетика, рударство и минерални суровини, Сања Божиновска. Министерката зборуваше за енергетскиот систем, неправилности кои според неа се случувале и повика надлежните органи да ги истражат наводите за евентуални неправилности.
– Има многу неправилности и во постапката за продавање и со случување на тендери во четири очи, рече министерката. Енергетскиот систем функционира како систем на врзани садови, објасни Божиновска која додаде дека неправилности нотирал и Државниот завод за ревизија.
