Пејачот Џон Бон Џови во вторникот сними музичко видео на пешачкиот мост Џон Сејгенталер во Нешвил, Тенеси. Во еден момент видел жена како стои на работ од мостот, па и пришол и почнал да разговара со неа.
Полициската управа во Нешвил сподели снимка од надзорните камери на кои се гледа како музичарот и приоѓа на жената и разговара со неа неколку минути. Пејачот успеал да ја спречи жената да скокне од мостот и со помош на случаен минувач ја однеле на безбеден дел од мостот.
Снимката почна да кружи на социјалните мрежи. Видеото се појави и на YouTube, но платформата оттогаш го отстрани.
Инаку, Бон Џови има фондација наречена JBJ Soul Foundation, која им помага на луѓето во криза, од глад до бездомништво. Многу обожаватели ја пофалија неговата реакција.
