На социјалната мрежа Х се појавија видеа од пожар во близина на Богданци, каде што гори борова шума, а голем облак од чад и пламени јазици се издигаат високо.

Директорот на ЦУК, Стојанче Ангелов, објави видео од местото на пожарот и изјави дека огнот не загрозува населени места, плинари или бензинска пумпа, но предизвикал голема вознемиреност кај локалното население.

Ангелов, заедно со командирот на доброволното противпожарно друштво од Валандово, Ѓорѓе Илиев, информира дека пожарот трае веќе два дена и зафатил делови во близина на ветерниот парк кај Богданци.