На видеата објавени на социјалните мрежи се гледа како демонстрантите ги фрлаат неопходните работи од камиони на земја, а содржината од картонските кутии се истура на патот
Израелски демонстранти блокираа камиони со хуманитарна помош на пат кон Појасот Газа и расфрлаа пакети со храна на патот, што е последен во серијата инциденти во време кога Израел вети дека ќе обезбеди непречен проток на хуманитарни резерви во опколената енклава.
Четворица демонстранти, меѓу кои и малолетник, се уапсени на протестот на контролен пункт во градот Таркумија, западно од градот Хеброн, окупиран од Израел, на Западниот Брег, се вели во соопштението на адвокатите кои ги застапуваат демонстрантите.
На видеата објавени на социјалните мрежи се гледа како демонстрантите ги фрлаат неопходните работи од камиони на земја, а содржината од картонските кутии се истура на патот.
Children in Gaza are not starving, children in Gaza are BEING STARVED
Is it self-defense when you attack and destroy humanitarian aid to a starving children in Gaza? pic.twitter.com/56ZV8GV5RS
— Mohamad Safa (@mhdksafa) May 13, 2024
Israeli Channel 12: Protesters blocked humanitarian aid trucks to Gaza and unloaded them near the Meitar crossing near Hebron. pic.twitter.com/hk31qxgp1D
— War Watch (@WarWatchs) May 13, 2024
Четири лица беа уапсени минатата недела на југот на земјата на сличен протест на Израелците, кои се противат на испраќање хуманитарна помош во областа контролирана од исламистичкото движење Хамас, според нивните адвокати.
„Поради инцидентите со нарушување на јавниот ред и мир, кои се случија денеска, полицијата започна истрага која доведе до апсење на голем број осомничени“,
се вели во соопштението на израелската полиција, додавајќи дека истрагата сè уште е во тек.
Израел: Отворен е нов премин во северниот дел на Газа
Израел се соочи со силен меѓународен притисок да го зголеми протокот на помош за Газа, каде што меѓународните организации предупредија на сериозна хуманитарна криза која се заканува на населението од над два милиони луѓе.
Израелските власти вчера соопштија дека е отворен нов премин на северот на Газа и дека наскоро ќе биде отворено привремено пристаниште, изградено од Соединетите Американски Држави.
