Не можам да се изначудам како лесно си ги продаваат сопствените граѓаните за малку насмевка и тапкање по рамото, вели претседателскиот кандидат и лидер на ГРОМ, Стевчо Јакимовски на денешната претседателска конвенција.
– Јас ќе ви наведам само неколку примери.
Дали САД дозволуваат нејзин граѓанин да биде кривично процесуиран во некоја земја? Не, што и да направи ќе си го однесат во Америка и не дозволуваат да го черечи ниедна држава. Се сеќавате на министерот Радован Стојковски кој загина кај Катланово поради неодговорното возење во спротивен правец на припадник на КФОР, од Норвешка и истиот веднаш го земаа и го однесоа во Норвешка иако уби министер, неговата сопруга и неговата ќерка.
Е јас таков претседател ќе бидам!
Не дозволувам ниту еден граѓанин на Република Македонија биде малтретиран, па кој сака нека биде и ќе сторам се да ги заштитам граѓаните од надворешни влијанија и непринципиелните напади и разни црни листи.
Интересно е да се напомене дека на црните листи почнаа да ни ставаат и стопанственици. Јас само сакам да прашам, а кој ќе ни го вработува народот ако способните стопанственици си ги даваме како јагне на кланица. – вели Јакимовски.
