Припадници на полицијата и пожарникари повеќе од три часа вчера трагаа по маж кој паднал во водите на Вардар на излезот од Гостивар. Во полиција било пријавено дека околу 16 часот во близина на селото Мало Турчане е забележано тело на маж кое го носела водата. Гостиварецот кој го пријавил настанот се обидел да го извлече, но не успеал. Во близина на селото Балиндол го изгубил од вид, по што била повикана полицијата и пожарникари.
Засега е непознат идентитетот на мажот.
