Рано утрово полицијата во околината на скопско Арачиново пронашла оружје скриено во еден објект. Запленети се 11 парчиња автоматско оружје. Се проверува поврзаноста со криминалната група од Арачиново чии членови беа приведени неделава. Се проверуваат и траги од ДНК и отпечатоци.

  Во тек е нова полициска акција од страна на Одделот за сузбивање на организиран и сериозен криминал при МВР.
Од Министерството за внатрешни работи за МИА информираат дека се извршени претреси на повеќе локации и дека во моментот се продолжува со дел од претресите.
Повеќе информации најавуваат по завршување на истрагата.

Дел од медиумите објавија дека се пронајдени автоматско оружје, пушки и пиштоли во Арачиново.