Претседателот на Србија, Александар Вучиќ го отвори Моравскиот коридор, кој ќе ги поврзе областите Расин, Рашки и Моравички, каде живеат околу половина милион луѓе. Завршена е првата делница од големиот инфраструктурен проект од Појат до Макрешан, а сообраќајот ќе биде воспоставен вечерва. За нас е важно да покажеме дека можеме да градиме и во тешки времиња, рече претседателот на свеченото отворање на автопатот изграден од компанијата која кај нас предизвика многу реакции во јавноста, Бехтел и Енка.
Претседателот Александар Вучиќ рече дека “денес е голем ден за нас и дека за 100 години луѓето ќе одат по овој автопат и ќе се сеќаваат кој го изградил.”
Тој им се заблагодари на компаниите кои учествуваа во изградбата на Моравскиот коридор.
„Ова не е мала работа за луѓето. И луѓето ќе го почувствуваат подобрувањето преку нови инвестиции. За нас е важно да покажеме дека можеме да градиме и во тешки времиња“, вели Вучиќ.
Според него, на овој автопат има мрежа 4G и 5G и тоа е најширокиот автопат во Србија, ќе може да се патува со брзина до 130 километри на час.
Вучиќ рече дека најважно е оваа голема инвестиција да донесе нови инвеститори и да ги врати луѓето кои заминале во странство.
„Да се гради нов пат е како да се гради нов свет“, рече Вучиќ и истакна дека треба да си поставиме највисоки цели.
Тој посочи дека автопатот ќе биде отворен за сообраќај за 6 часа.
Амбасадорката на Велика Британија, Шан Меклаод, рече дека е среќна што гледа дека визијата станува реалност пред крајот на нејзиниот мандат.
Им честитам на Бехтел и Енка и на нивните партнери за одличната работа“, рече амбасадорот.
Таа додаде дека овој автопат е прв во Европа финансиран од британската агенција UK Export Finance.
Моравскиот коридор ќе ги поврзе југот и западот на Србија. Ќе го забрза и олесни патувањето, растот и развојот.
Пронајдете не на следниве мрежи:
