Пејачката Александра Пријовиќ денеска со нејзиниот сопруг Филип Живојиновиќ го слават најубавиот ден од нивниот живот, денот кога го добија нивниот син Александар.
По тој повод тие својот дом го уредија до наситен детаљ, така што нивниот сакан кога ќе се разбуди да се најде во вистинска бајка.
Целиот стан им беше накитен со балони, а покрај телевизорот беше поставен балон со бројот два, што всушност го означува и бројот на годините на нивниот син.
Освен декорацијата, грижливата мајка за својот син подготвила и посебни торти. Една во облик на фудбалски терен, со фудбалери, а другата во облик на фудбалска топка.
Малиот Александар по будењето веднаш започна да ги отвара подароците, а судејќи според фотографите, гордите родители успеале да го воодушеват својот наследник.
