VOLKSWAGEN изненади со премиерата на два спортски модели.
Volkswagen одлучи да ја зајакне својата понуда во електричниот сегмент, во буквална смисла. Доаѓаат две нови GTX верзии, имено за моделите ID.3 и ID.7 турер, а се очекува повторување на успехот постигнат со GTX верзиите на ID.4 и ID.5 – секоја петта продадена единица е GTX .
Како вистински GTI
Спортските изведби ќе бидат веднаш препознатливи по различниот светлосен потпис, спортските детали, како и соодветната декорација во кабината.
Да почнеме по ред. ID.3 GTX доаѓа во две верзии. Многумина во Volkswagen ја гледаат верзијата за перформанси како она што е Clubsport во доменот на гамата на Golf GTI. Она што донекаде изненадува е дека е задржан концептот со еден електромотор (AP550), кој ги придвижува само задните тркала.
Максимална брзина од 200 km/h
Стандардниот GTX има 286 КС и достигнува 100 km/h за 6 секунди. Споменатиот Performance има 326 КС и забрзува до 100 km/h за 5,6 секунди, што е подобро од Tesla Model 3 со еден мотор. Да ја споменеме и максималната брзина подигната на 180 km/h, односно 200 km/h кај верзијата Performance. ID.3 во верзијата GTX има батерија од 79 kWh, а досегот е околу 600 km. Се полни со моќност до 175 kW.
Верзијата GTX има и спортско подесена шасија, а Performance стандардно добива DCC адаптивна суспензија. Накратко, ID.3 GTX е првиот електричен хот хеч на Volkswagen.
ID.7 tourer има поголема батерија (86 kWh), моќта на полнење е до 200 kW, а синергетскиот ефект на двата електромотори сега е 250 kW или 340 КС. Напред, Volkswagen има инсталирано асинхрон мотор AKA150 со моќност од 80 kW/109 КС и 134 Nm, додека назад повторно е синхрон електричен мотор AP550 со постојани магнети и максимални вредности од 286 КС и 545 Nm.
Досег од 625 км
Погонот е секако на сите тркала, а забрзувањето е брутално до 180 km/h. Не е најбрзиот, но секако е најсилниот караван модел на Фолксваген во историјата.
Тука е префинет и препознатливиот изглед, а треба да сметате на побогата опрема. VW ја проценува потрошувачката од 16,7 до 18,7 kWh/100 km или досег од 625 km. Почетокот на продажбата е најавен за пролет, а се очекува да започне од 65.000 евра.
