Во текот на утрешниот ден ќе дува умерен до засилен ветер претежно од југоисточен правец па поради силното јужно воздушно струење ќе се врши транспорт на прашина и песок од Сахара, најавува специјализираниот портал „Метеомакс“ на Славчо Попоски.
Времето ќе биде сончево и многу топло се до доцните попладневни часови кога ќе има дестабилизација на атмосферата и локален развој на нестабилна облачност проследена со пороен дожд, грмежи и засилен ветер.
Локално, процесите ќе бидат поинтензивни и застапени во форма на невреме, проследено со поинтензивен пороен дожд, засилен ветер, силни електрични празнења и услови за појава на град.
Во сабота веќе на многу места ќе биде нестабилно со повремен пороен дожд, грмежи и засилен ветер и исто така локално процесите ќе бидат поинтензивни и во форма на невреме проследено со поинтензивен пороен дожд, засилен ветер, силни електрични празнења и услови за појава на град.
И натаму сотанува многу топло со многу високи температури на воздухот.
