Португалскиот репрезентативец Жоао Феликс денеска и официјално потпиша договор за позајмица со Челси и беше промовиран во дресот на премиерлигашот, во чии редови ќе остане до крајот на сезоната, а потоа се враќа во Атлетико Мадрид.

Феликс пред да дојде во Лондон потпиша нов договор со мадриѓани со траење до 2027 година, додека лондонци за да го имаат во следните шест месеци платија 11 милиони евра.

„Челси е еден од најдобрите клубови во светот и се надевам дека ќе му помогнам да ги оствари своите цели. Многу сум среќен што пристигнав тука и возбуден сум што ќе играм на ‘Стемфорд бриџ’“, изјави Феликс.