Вработените во Твитер, кој минатата недела го презеде американскиот милијардер Илон Маск, наводно добиле е-пошта известување за нивната судбина во компанијата. Според извештаите на американските медиуми, денеска на Твитер требаше да бидат отпуштени околу 3.700 вработени.
Компанијата го оправда потегот во е-пошта во која ги објави планираните отпуштања, велејќи дека тоа е „за жал неопходно да се обезбеди идниот успех на компанијата“.
„Во петок ќе започнеме со тешкиот процес на намалување ширум светот“, им порача на своите вработени Твитер во четвртокот во електронски циркулар што протече до американските медиуми.
„Елон Твитер“: Масовни отпуштања, спиење во канцеларии и губење следбеници Сите вработени ќе добијат е-пошта со наслов „Вашата улога на Твитер“ до 9:00 часот по локално време или до 16:00 часот по средноевропско време денес, според циркуларот.
Оние кои ќе останат без работа ќе бидат известени преку нивната лична е-маил адреса, додека оние чии работни места нема да бидат засегнати ќе бидат известени преку нивната е-пошта на Твитер, се вели во соопштението.
Според Вашингтон пост, Маск, кој ја купи социјалната мрежа минатата недела за околу 44 милијарди долари, планира да отпушти околу половина од своите 7.500 вработени.
Канцелариите на Твитер денеска ќе останат затворени и сите картички за пристап ќе бидат деактивирани. Веројатно се работи за мерка на претпазливост, со која сакаат да спречат евентуални протести на отпуштените.
Британскиот вработен Сајмон Балмејн изјави за Би-Би-Си дека верува дека бил отпуштен бидејќи повеќе не можел да го користи својот работен лаптоп. „Сите добија е-пошта во која се вели дека ќе има огромно намалување, а по околу еден час почнаа далечински да ги бришат нашите компјутери и да ни го одземаат пристапот до Slack и Gmail.
Пронајдете не на следниве мрежи:
