Едно лице загина, а 10 се повредени во ракетниот истрел во Белгородската област, јави Москва.
Руското Министерство за одбрана во понеделникот соопшти дека нивните сили собориле четири американски ракети над регион во јужна Русија што се граничи со Украина, што е едно од првите такви тврдења на Москва од почетокот на војната пред девет месеци.
„Четири американски антирадарски ракети „ХАРМ“ беа соборени во воздушниот простор на регионот Белгород“, изјави на својот дневен брифинг Игор Конашенков, портпарол на руското Министерство за одбрана.
„ХАРМ“, ракета воздух-земја со голема брзина, е дизајнирана да „бара и уништи“ систем за противвоздушна одбрана опремен со радар. Покрај тоа, во неделата гранатирање го погоди регионот на Белгород, беа погодени станбени и индустриски згради, рече нејзиниот гувернер Вјачеслав Гладков, кој додаде дека едно лице загинало, а 10 други се повредени во нападите.
„Вчера беше исклучително тежок ден. Имаше гранатирање од страна на украинските вооружени сили“, рече Гладков во објава на апликацијата за пораки Телеграм во понеделникот.
