Регионалната музичка сцена е побогата за уште една посебна приказна, Здравко Чолиќ ја претстави својата нова песна „Тамо“ , во која двајца вистински великани се среќаваат за првпат во своите кариери – Чолиќ, изведувач чии настапи со децении ја обликуваат емотивната мапа на овие простори, и Тончи Хуљиќ , автор чии мелодии со години даваат препознатлив печат на поп-музиката во регионот.
Иако се пријатели долго време, соработката се случи дури сега – и тоа со песна што зрачи свежина уште при првото слушање, но и неизбежно чувство на носталгија.
Текстот е напишан од Вјекослава Хуљиќ, која уште еднаш успеа поетски да го долови она што е заштитен знак на Чола – емоцијата помеѓу копнежот и веселоста, помеѓу сеќавањето и траењето.
Аранжманот го направија Хрвоје Домазет и Тончи Хуљиќ, додека миксот го потпиша Томо Мрдуља. Песната има модерен, медитерански ритам и филмска ширина што ја прави посебно искуство уште од прво слушање.
Во време кога музиката честопати брзо минува, Чолиќ повторно го носи она што публиката најмногу го сака кај него – искреност, топлина и чувство на блискост.
„Тамо“ е модерна балада, нежна и мелодична, но го носи тој препознатлив, класичен чолски тон – силна емоција што освојува без потреба од театарска претстава.
Тончи Хуљиќ откри како дошло до соработката.
„Всушност, сè започна во Крк, се дружевме кај мене, почнавме да разговараме за музика и така започна сè… Најчесто се дружам со луѓе со кои соработувам со години, но Чола, Чола е нешто посебно, посебен предизвик, човек кој е тука со години, кого публиката го обожава и затоа оваа соработка ми беше многу драга“, рече Хуљиќ.
Тој нагласува дека песната е нешто сосема различно од сè што Чолиќ досега отпеал.
„Многу сум претпазлив во проширувањето на кругот на луѓе со кои работам. Но, човек не може да одолее на таков предизвик, па еве го, изведувач кој секогаш имал некои автори со себе… И претпоставувам дека вака се одвиваше сè. Не е ништо историско. Јас само правам песна, тој ја пее“, скромно вели Тончи.
The post Здраво Чолиќ со нов мега хит – Последната музичка средба на двајца великани: Чолиќ со потписот на Хуљиќ (фото/видео) appeared first on Во Центар.
