Богатството кое го поседуваат „среќните луѓе“ не е предуслов за среќа, тие станале среќни затоа што размислуваат поинаку и преземаат одредени дејства. Дали некогаш сте погледнале некој и сте помислиле: „Тој е таков среќник, има пари, има долга и среќна врска, има супер работа… Колку сакам и мене да ми одеше така во животот.“
Вие мислите дека не сте имале толку среќа затоа што не сте родени под среќна ѕвезда, но всушност, ова се причините зошто некои луѓе имаат среќа во животот:
Среќните луѓе…
…работат напорно и тивко
Тие не се фалат. Своите успеси не ги објавуваат на секој чекор. Не ги користат социјалните мрежи за некакво истакнување, затоа што се зафатени со работа.
…се опкружени со позитивни луѓе
Животот и онака е доволно тежок, па не ни се потребни и негативни луѓе кои само дополнително ќе го отежнуваат животот.
…секој ден го започнуваат со позитивни мисли
Тие секогаш ги бираат вистинските зборови и дела, имаат одредени ритуали со кои го започнуваат денот. Медитација, молитва или утринско кафе во тишина…
…не се оптоваруваат со секојдневни негативни теми
Тие размислуваат за работите кои им се важни.
…имаат јасна цел
Тие сакаат на своите деца да им овозможат повеќе отколку што имале тие, подобри услови за растење од условите кои тие ги имале. Тие имаат магнет кој ги привлекува кон нивната цел.
…ја прифаќаат секоја ситуација
Тие никогаш не велат: „Моментално е лошо“, тие велат: „Секогаш е добро, тука и сега.“ Тие знаат дека идеалното време никогаш нема да дојде, сѐ додека самите не го изградат својот пат.
…не им придаваат важност на луѓето кои постојано критикуваат
Тие не сакаат такви луѓе во своето опкружување. Среќните луѓе немаат време, за љубомора и омраза. Немаат време да одговараат на злобни коментари, среќните луѓе се смешкаат и продолжуваат да одат со крената глава.
…повеќе чувствуваат отколку што мислат
Често се водат според својот внатрешен инстинкт и работите ги прават според своето внатешно чувство. И кога ќе се најдат во тешки околности, немаат проблем со тоа да одберат дали ќе го послушаат својот разум или срце. Среќните луѓе секогаш се водат според срцето.
…се фокусираат на целта, а не на планот
Планот може да се промени. И најдобриот план може да се расипе, но целта – никогаш.
… не живеат во минатото
Тие се фокусираат на сегашниот момент, ги насочуваат своите напори на она што можат сега да го контролираат. Не се грижат за она што било или што ќе биде.
… веруваат во себе
Тие не се арогантни. Тие мислат дека сите ја поседуваат таа внатрешна сила.
… знаат дека патот до успехот не е секогаш само рамна линија
Знаат дека тоа е амплитуда со постојани подеми и падови.
… се однесуваат кон животот на еден поинаков начин
Знаат дека животот не е право, туку подарок. Благодарни се на се што им носи животот.
