Супермаркет кој припаѓа на семејството на Антонела Рокузо, сопругата на Лионел Меси, бил нападнат во средата во аргентинскиот град Росарио. Според пишувањата на локалните медиуми, напаѓачите оставиле порака на местото на настанот со директна закана до самиот Меси.

„Меси, те чекаме, Јавкин е дрога, нема да те заштити“, гласеше пораката упатена до аргентинскиот шампион, која била оставена пред супермаркетот каде беа испукани 14 куршуми.

Пораката се чини дека алудира на неуспешното барање за изнуда, а се однесува и на градоначалникот на родниот град на Меси, Пабло Јавкин.

Треба да се напомене дека Росарио е град кој долго време страда од широко распространето присуство на организиран криминал поврзан со трговијата со дрога, толку многу што го доби прекарот аргентински Чикаго.

Инаку, денеска Меси ја почести целата репрезентација на Аргентина со позлатени ајфони.

На секој телефон е изгравирано името на играчот, бројот на дресот и аргентинскиот грб, а вкупната вредност на подарокот на Меси е 200.000 евра.