Обожувате чоколадо? Веројатно да, штом сте тука да го прочитате овој текст. Во прилог откриваме зошто многу често копнееме по чоколадото и дали е потребно да се спречуваме од јадењето на ова слатко задоволство.
Ситуации во кои најчесто посегнуваме по чоколадото и зошто повеќе не мораме да се спречуваме во истото:
Желбата за чоколадо по оброкот
Многумина се навикнати по оброкот да консумираат нешто слатко, особено чоколадо. И се чини дека на тие луѓе полесно е да им го замените омилениот оброк со нешто друго отколку да им го ускратите чоколадото по ручекот. Наместо тоа, новитетите во храната на модерното време ни нуди чоколадни барови кои се во потполност здрави, всушност и поздрави од што можеме да помислиме дека може да биде едно чоколадо. Станува збор за протеинските барови кои изобилуваат со витамини и минерали и содржат многу мало ниво на јаглехидрати (шеќери). Нешто што обичното чоколадо ко е го купуваме во маркетите не може да ни го понуди.
Желбата за чоколадо кога сте под стрес
Желбата за чоколадо знае да не обземе кога сме под стрес или сме тажни. Уште пред да се освестиме, веќе сме изеле половина чоколадо полно со рафинирани шеќери. Во овие моменти пред се потребно е да се потсетиме на причината поради која посегнуваме по благо и да го насочиме фокусот на нешто друго. Во тие моменти прошетка, разговор со пријател или малку одмор може да ја намали импулсивната желба за чоколадо, но и доколку не се случи тоа, одберете чоколадо кое е здраво: црно чоколадо или протеински барови со чоколадо.
Желбата за благо во оние денови…
Нема жена што не се соочила со ненаситноста по слатко во перодот на ПМС. Многу жени се жалат дека во тој период се способни да јадат чоколади и по неколку пати во денот и тоа во навистина неумерени количини. И потоа доаѓа периодот на каење, па повторно чоколадо за утеха. Со погоре споменатите чоколадни барови, ќе ја тргнете онаа грижа на совест која ве мачи речиси секој месец. Напротив, ќе уживате и ќе придонесете за своето здравје и општата состојба на вашиот организам, консумирајќи ги овие вкусни нискокалорични барчиња.
