Одбранбената разузнавачка служба на Украина наведува дека Русија стои зад намерното исчезнување од радарот на Иљушин, на кој се наоѓал сменетиот сириски претседател Башар ал Асад.Да потсетиме, сите светски медиуми во неделата објавија дека среде бунтот во Сирија исчезнал претседателот Башар ал Асад, кој со семејството се качил во авион и ја напуштил Сирија.
Тогаш авионот, „Иљушин 76Т“ во кој се наоѓаше, одеднаш исчезна од радарот, што доведе до шпекулации дека авионот на Асад е соборен.Сепак, според Одбранбената разузнавачка служба на Украина, ништо од ова не се случило бидејќи „исчезнувањето“ на Асад всушност било оркестрирано од Москва.
Како што пренесува порталот „РБЦ Украина“, Русија употребила дезинформации за да ја прикрие својата операција за спас на сирискиот диктатор и ограничен број луѓе блиски до него.– Губењето на сигналот на авионот на Асад од радарот најверојатно е резултат на дејствијата на екипажот, кој ги следел упатствата на Русите и полетал во нивен правец – соопшти Одбранбената разузнавачка служба.
Во исто време разузнавачите пишуваат дека ситуацијата на рускиот контингент во Сирија сега е постојано тешка, а остатоците од руските сили продолжуваат „набрзина да се пакуваат и бегаат“.– Први избегаа командантите на руската армија. Особено пропаднатиот генерал Сергеј Кисел, новоименуваниот командант на руските трупи во Сирија, генерал Александар Чаико, кој беше познат и како генерал на генералите, ја напушти територијата на таа блискоисточна земја.
Чаико командуваше една недела – додава украинската разузнавачка служба.Според разузнавачките податоци, Русите ангажирале дополнителни бродови, вклучително и оние од руската балтичка флота, за извоз на остатоците од нивното оружје, опрема и персонал.
Претходно руското Министерство за надворешни работи објави дека сирискиот претседател наводно се согласил на „мирен“ трансфер на власта, а потоа ја напуштил Сирија.
Пред тоа Ројтерс објави дека Асад можел да загине во авионска несреќа бидејќи неговиот авион тргнал по чудна рута, а потоа исчезнал од радарите.
На 8 декември, сириските бунтовници ја презедоа контролата врз главниот град Дамаск и го соборија Асад од власт.
Пронајдете не на следниве мрежи:
