Јелена Карлеуша после 14 месеци негирање, конечно ја призна аферата со Огнен Врањеш.
„Тоа се мои фотографии, моите голи гради и мојот полов орган. Огнен Врањеш тајно ме снимаше!“, изјави пејачката на Врховниот суд во Белград за време на исказот кој го даде под заклетва.
„Би навела дека многупати ги тужев и Информер, бидејќи секој ден објавуваа мои фотографии, односно фотографии од моето голо тело за кои никогаш не дадов дозвола и кои настанале без мое знаење. Објавија слика од моите голи гради, слика за која не дадов дозвола ниту ја објавив, а не ни знаев дека настанала“, стои во судскиот записник кој Карлеуша го завери со своерачен потпис.
Таа потврди и дека на сликата е нејзиниот полов орган, иако долго време изјавуваше дека таму „има карактеристична бенка за која знае само нејзиниот сопруг Душко Тошиќ“.
„Сметам дека не постои ништо пострашно за една мајка, сопруга и ќерка секој ден да го гледа својот полов орган како централна најава во весниците“, изјави Карлеуша.
Пејачката во судот исто така изјави дека поради аферата со Огнен Врањеш размислувала на самоубиство.
„Од стресот ми паѓаше косата, пиев апчиња за смирување и редовно посетував психијатар поради суицидните мисли“, рече Карлеуша.
„Јас не сум порно-актерка, ниту сум актер од порно-афера, бидејќи сум некој кој некогаш имал врска со некој што тајно сликал. Поточно, станува збор за видео-повик каде дотичниот Огнен Врањеш без мое знаење ме сликаше и снимаше, а потоа ме уценуваше и ми претеше за на крајот да ги даде тие фотографии во медиумите, бидејќи не сакав да бидам со него“, наведе Карлеуша која ги обвини и медиумите.
