Кефирот е ферментиран пијалок богат со пробиотици, има кисел вкус и кремаста конзистенција. Има големи здравствени придобивки – ја подобрува работата на цревата, позитивно влијае на шеќерот во крвта и го намалува воспалението.
Белиот освежителен пијалок, кефир, спаѓа во категоријата супер храна. Тоа е многу корисна храна, бидејќи содржи добри бактерии, калциум, магнезиум, протеини, витамин Д, а е многу важна за организмот и целокупното здравје.
Кефирот содржи различни видови на живи бактерии, што го прави богат и разновиден извор на пробиотици. Некои од потенцијалните придобивки на пробиотиците вклучуваат способност да го менуваат составот на бактериите во цревата, да ја подобрат функцијата на цревната бариера, да влијаат на варењето и да помогнат во производството на масни киселини со краток синџир. Овој пијалок помага да се измени микробиолошкиот состав на цревата и има ефект на зголемување на имунитетот, покажуваат бројни студии.
Го контролира шеќерот во крвта, го подобрува менталното здравје
Јадењето кефир влијае на контролата на шеќерот во крвта, особено кај луѓето со дијабетес тип 2. Јадењето една шолја кефир дневно го намалува нивото на гликоза во крвта. Овој пијалок, заедно со исхраната богата со растителни влакна, може да го балансира микробиомот и да влијае на намалување на ризикот и симптомите на анксиозност и депресија. Позитивно влијае на меморијата и го намалува ризикот од невролошки заболувања, благодарение на неговата способност да го намалува воспалението.
Ги зајакнува коските, штити од вируси
Овој млечен производ содржи калциум, витамин Д и фосфор и помага во градење и одржување цврсти коски. Исто така, неговите антивирусни својства го ангажираат имунолошкиот систем да се бори против вирусните инфекции. Истражувањето кое ги испитува ефектите на кефирот врз имунолошкиот систем открива дека тој го стимулира производството на имунолошки клетки кои можат да ја потиснат активноста на вирусите.
Кој треба да избегнува кефир?
Нема голем ризик од консумирање кефир, нагласуваат диететичарите. Во некои случаи, може да предизвика надуеност или дијареа, но проблемите обично се привремени.
Традиционалниот кефир обично се базира на млеко, така што секој со алергија на млеко треба да избегнува кефир. Сепак, повеќето луѓе со нетолеранција на лактоза можат да толерираат млечен кефир бидејќи тој е претежно со ниска лактоза или без лактоза.
„МИНУТИ ЗА СЕКОГО“ | Фејзи и Ѓурчиновска | ЖЕНИТЕ ОД РУРАЛНИ СРЕДИНИ
