Кина најави санкции против пет американски компании поврзани со одбранбената индустрија како одговор на американските испораки на оружје за Тајван и американските санкции против кинески компании и поединци.
Компаниите погодени од кинеските санкции се BAE Systems Land and Armament, Alliant Techsystems Operation, AeroVironment, ViaSat и Data Link Solutions.
Санкциите ќе ги замрзнат имотите на компаниите во Кина и ќе им забранат на кинеските организации и поединци да имаат бизнис со нив, се вели во соопштението на кинеското Министерство за надворешни работи.
Во соопштението се вели дека дејствијата на САД му наштетиле на суверенитетот и безбедносните интереси на Кина, ги поткопуваат мирот и стабилноста во областа на Тајванскиот теснец и ги нарушуваат интересите на кинеските компании и поединци.
-Кинеската влада останува цврста во нашата решеност да го заштитиме националниот суверенитет, безбедност и територијален интегритет и да ги заштитиме легитимните права и интереси на кинеските компании и граѓани, соопшти кинеското Министерство за надворешни работи.
Кина го смета Тајван за отцепена провинција која мора да биде под контрола на Пекинг во одреден момент во иднина.
Пронајдете не на следниве мрежи:
