Колку е заштитен вашиот телефон од вода? Еве на што треба да внимавате

Loading...

Производителите на смартфони често се фалат со различните можности на нивните уреди. Една од оние што се издвојува е отпорноста на вода и прашина.
Повеќето флегшип смартфони што во моментов можат да се најдат на пазарот имаат IP-ознака, но по неа има различни броеви, кои се клучни.
Така, обично е можно да се види ознаката IP67 на постарите уреди, додека поновите уреди ја носат ознаката IP68. Сепак, дали знаете што значи тоа?
IP е меѓународна ознака која го дефинира нивото на заштита што одреден уред го има од течности, прашина и контакт со други цврсти предмети. Укажува колку лесно (или тешко) течноста и прашината можат да навлезат во внатрешноста на уредот.
Првиот број по буквата IP го означува нивото на заштита на уредот од прашина. Колку е поголем, толку повеќе можете да бидете сигурни дека прашината или песокот на плажа нема да влезат и да ги оштетат компонентите на уредот. Најчесто ќе ја видите ознаката 5 или 6.
Додека 5 означува заштита во нормални услови, 6 означува целосна заштита од продирање на прашина во внатрешноста.
Вториот број покажува колку е уредот водоотпорен или отпорен на течност. Повеќето уреди достапни денес се отпорни на капки и да речеме дожд или снегулки, што значи дека можете да ги користите додека одите на дожд.
Меѓутоа, ако сакате вашиот уред да преживее и полевање или да падне во бара, треба да барате што повисок број. Така, 5 означува заштита од млаз вода, (обем од 6,3 мм) од која било насока, и 6 од силен млаз (12,5 мм) од која било насока.


За оние кои сакаат нивниот телефон да ги преживее сите услови, па дури и да падне во када или тоалет, ознаката мора да биде 7 или поголема. Имено, тоа значи дека водата нема да продира внатре, ако уредот е потопено под вода до длабочина од 1 метар за одредено време.
Уредите со ознака 8 можат да издржат потопување дури и подлабоко од 1 метар, но мора да запомните дека ниту еден уред не е 100% водоотпорен.
За тоа треба да има ознака 9, односно треба да биде херметички запечатена. Бидејќи на паметните телефони има слотови за полнење, дупчиња за микрофонот и звучникот, ниту еден телефон во моментов нема таква ознака.
Исто така, дури и телефоните со иста IP ознака имаат посебно објаснување што значи тоа, во зависност од производителот.
На пример, Samsung Galaxy S21 Plus и iPhone 12 Pro ја имаат истата ознака, IP68.
Samsung наведува дека нивниот уред може да издржи половина час на длабочина од 1,5 метри, додека Apple истакнува дека можете да го потопите нивниот уред на длабочина од 6 метри за период од половина час.

loading...