Ако храната ви се расипува побрзо од вообичаено, причината може да биде несоодветна температура во фрижидерот и замрзнувачот – за првиот се препорачува 4°C или пониска, додека идеалната температура за замрзнување е -18°C.
Наоѓањето на оптимална температура во фрижидерот е клучно за да се осигурате дека вашите производи и остатоци од храна ќе траат што е можно подолго. Истовремено, тоа е еден од најлесните начини за спречување на болестите што се пренесуваат преку храна со консумирање млеко, јајца и млечни производи со изминат рок.
Идеалната температура во фрижидерот е точно или под 4°C, а температурата на вашиот замрзнувач треба да биде -18°C.
Иако некои фрижидери и замрзнувачи се опремени со секакви додатоци, тие можеби немаат вграден термометар. За среќа, термометрите за апарати се генерално евтини и можат да се најдат во повеќето продавници за кујнски апарати, така што лесно можете да ја проверите температурата во вашиот кујнски апарат.
Друга работа што може да предизвика фрустрација е замрзнувањето на храната во фрижидерот, што се случува кога ќе стане премногу ладен.
За да го решите овој проблем, проверете ги поставките за температурата на вашиот фрижидер. Производителите препорачуваат да го одржувате на најладното поставување, кое обично е број 5, но доколку храната ви замрзне, обидете се да намалите на 4.
Иако правилното замрзнување е одличен начин за складирање на производи како што е месото, тоа сепак влијае на вкусот, аромата, сочноста и бојата колку подолго вашата храна е замрзната.
Дополнителните совети за чување храна во фрижидер вклучуваат отворање на вратата само кога е потребно, распоредување на храната за да може воздухот правилно да струи, како и следење на температурата.
Како најдобро да го организирате фрижидерот?
