По повеќе од еден месец „одмор“ во родната Португалија, Кристијано Роналдо доцна синоќа се врати во Италија, каде треба да ги продолжи обврските кон својот клуб Јувентус.
Роналдо беше единствениот ас на шампионот на Серија А кој наместо во карантин во Торино, периодот без фудбал го мина во својот приватен имот во Мадеира. Италијанските власти пред извесен период најавија дека од 18 мај на клубовите ќе им биде дозволено да ги вратат своите фудбалери на тренинзите кои треба да се подготвуваат за продолжување на сезоната.
⚠️ JUVE, ECCO CR7! ⚽️
Partito da Madeira, Cristiano #Ronaldo è atterrato poco fa a #Torino con il suo jet privato.
➡️ Il campione della #Juventus dovrà sottoporsi ad una quarantena di 14 giorni prima di riprendere gli allenamenti con la squadra il 18 maggio#Sportitalia pic.twitter.com/HO8VEtdiqk
— Sportitalia (@tvdellosport) May 4, 2020
Португалецот за Торино требаше да се упати уште пред неколку дена, но поради проблемите со шпанските власти кои не дозволуваа неговиот приватен авион да полета од Мадрид, пристигна доцна синоќа и по 14-дневниот карантин ќе им се стави на располагање на тренерот Маурицио Сари.
Јувентус и оваа сезона е најблиску до скудетото, но доколку сака повторно да ја одбрани титулата ќе мора перфектно да ја доигра сезоната, затоа што во врат му дише Лацио, кој играше во фантастична форма пред прекинот.
