Без оглед на тоа што сте во врска, постојат навики од кои никогаш не би требало да се откажете, независно од вашиот љубовен статус.
Искрената и цврста врска, вклучува целосна доверба и почитување на туѓите мислења, ставови и генерално прифаќање на дугите личности, како единствени индивидуи.
Време за себе
Вашите вечерни или утрински рутини се нешто од коешто никогаш не треба да се откажете. Вашиот партнер во секој случај би требало да ги прифати и разбере вашите потреби и навики, бидејќи на секоја личност ѝ е потребно време само за себе.
Самостојно донесување одлуки
Иако постојат одлуки за кои одлучувате двајцата, одлуките како тие за вашата кариера, стилот на облекување и начинот на шминкање, би требало да ги донесувате целосно сами.
Дружење со пријателите
Здравата врска подразбира и време поминато со друштвото, односно некогаш да сте одвоени еден од друг. Вашите пријатели биле покрај вас и кога тој не постоел во вашиот живот и тоа не смеете никогаш да го заборавите. Внимателно испланирајте го времето и немојте никого да запоставите.
