Репрезентацијата на Мароко ја победи Португалија во четвртфиналето на Светското првенство во 2022 година. Средбата на стадионот Ал-Тумама во Доха заврши со резултат 1:0.
Стрелец на единствениот гол на натпреварот беше Јусеф Ен-Несири во 42. минута.
Португалскиот напаѓач Кристијано Роналдо го започна натпреварот на клупата за резерви. Тој влезе на теренот во 51. минута на местото на Рубен Невес. Овој натпревар за Роналдо беше 196-ти натпревар во кариерата за репрезентацијата. Тој го повтори светскиот рекорд по број на натпревари за репрезентации.
Во судиското надополнување, мароканскиот напаѓач Валид Шедира за две минути доби два жолти картони и беше исклучен.
Репрезентацијата на Мароко се пласираше во полуфиналето на Светското првенство за прв пат во својата историја. За пласман во финалето на турнирот во Катар, селекцијата ќе ги одмери силите со победникот од натпреварот Англија – Франција, кој ќе започне вечерва во 20 часот.
