– Муслиманите кои се на аџилак го извршија симболичното каменување на ѓаволот, познато како Рами ал Џамарат, на периферијата на градот Мека во западниот дел на Саудиска Арабија денес, на вториот ден од Курбан бајрам и на првиот ден од тридневниот ритуал.Ритуалите во Мина го симболизираат каменувањето на ѓаволот од страна на божјиот пратеник Ибрахам, а се вели дека ѓаволот се појавил три пати за да го искушува.Аџиите три дена почнувајќи од денес фрлаат мали камчиња на трите столба, кои го симболизираат ѓаволот.Според исламските ритуали, секој аџија ќе фрли по седум камчиња на секој од трите денови.Државната саудиска новинска агенција СПА соопшти дека „повеќе патеки биле одредени низ различните катови на објектот Џамарат за да се обезбеди непречен проток на аџиите“.Сезоната на аџилак започна во петокот. Во саботата, аџиите стоеја кај Арафат, најголемиот столб на аџилакот, а потоа ја поминаа ноќта на Муздалифа.Аџилакот е еден од петте столбови на исламот и од сите муслимани се бара да го извршат барем еднаш во животот доколку се физички и финансиски способни.