Насилниците ја признаа вината за навредите и тепањето на 21 годишната штипјанка
Двајцата штипјани кои навредуваа и тепаа 21 годишна девојка во влез на станбена зграда, а насилството го снимаа на мобилниот телефон денеска пред беа изведени пред судот. Дознаваме дека изразиле каење и вина за стореното дело.
Адвокатот што ги брани, Валентин Зафиров по рочиштето во штипскиот Основен суд изјави дека имале фер судење. Неговите клиенти се спремни и да ја обештетат оштетената, а ветиле и во иднина да не прават вакви или слични кривични дела.
Адвокатката на жртвата, Билјана Андонова по рочиштето изјави дека очекувано било обвинетите да признаат вина, и тогаш согласно Кривичниот законик не се изведуваат докази. На 30 април е закажано објавувањето на пресудата. Таа очекува строга казна без оглед на тоа што обвинетите ја признале вината.
Пронајдете не на следниве мрежи:
