Во петокот млад човек (19) кој се лекувал на психијатриска клиника влета во загрепското основно училиште во Пречко. Избодел наставничка и деца, а едно од нив почина. Младиот човек е уапсен, откако претходно се обидел да се убие.

„Наставничката е стабилна, се уште дише со помош на механичка вентилација, а за денеска е закажана дополнителна дијагностика за нејзиното лекување“, одговориле за „24 сата“ од КБ Свети Дух и потврдија дека наставничката имала 31 убодна рана.

Министерството за здравство соопшти дека три деца со прободни рани се стабилни и добро.

Полицијата ја заврши истрагата, па улицата до училиштето беше пуштена за сообраќај. Училиштето се уште е опкружено со полициска лента, а има околу 10 полицајци кои го обезбедуваат местото на теророт.

Владата одлучи да ја прогласи сабота 21 декември за Ден на жалост во Хрватска. На Денот на жалост знамињата се спуштени на половина копје, а нема да има забавни настани, додека медиумите треба да ги приспособат своите програми за да го одбележат тој ден.