Еден од основачите на групата “Продиџи“, Лиам Хаулет преку официјалниот Инстаграм-профил на “Продиџи“ ја потврди смртта на нивниот член Кит Флинт и кажа дека се работи за самоубиство.
Утрово Кит Флинт од “Продиџи“ беше пронајден мртов во својот дом. Тој почина на 49-годишна возраст. Се претпоставува дека причина за самоубиството е тежок облик на депресија во која западнал пејачот.
Највлијателниот член на “Продиџи“, Лиам преку Инстаграм профилот на бендот ја потврди смртта на Кит и соопшти дека се работи за самоубиство.
„Вестите се точни, не можам да поверувам дека го велам ова, но нашиот брат Кит викендов си го одзеде сопствениот живот. Шокиран сум, лут, збунет и со скршено срце… Почивај во мир брате“ – напишал Лиам.