Земјите-членки на НАТО не успеаја да постигнат договор и да и ветат на Украина повеќегодишна воена помош, објави новинската агенција ДПА повикувајќи се на извори во делегациите на западните земји.

Членките на алијансата само се согласиле на Киев да му дадат помош од околу 40 милиони евра во текот на 2025 година. Новинската агенција наведува дека генералниот секретар на НАТО Јенс Столтенберг „не успева да ги натера сојузниците да се обврзат на повеќегодишно финансиско ветување за поддршка на Украина, пренесува ТАСС.

Членките на НАТО не можеа да се договорат со колкав удел секоја земја ќе придонесе за пакетот помош вреден околу 40 милијарди евра. Членовите на алијансата се согласија дека БДП ќе биде земен предвид при пресметките, соопшти агенцијата.

Првично, Столтенберг очекуваше членките на НАТО да постигнат договор за повеќегодишни финансиски обврски пред самитот во Вашингтон (9-11 јули).

Претходно, генералниот секретар на НАТО предложи да се формира фонд од 100 милијарди долари (околу 94 милијарди евра) годишно за долгорочна помош за Киев, но оваа иницијатива не наиде на поддршка меѓу земјите на НАТО. Сумата е намалена на речиси 40 милијарди долари (околу 37 милијарди евра). Според Столтенберг, тоа е сумата што земјите од НАТО ја трошат годишно на оружје за Киев од избувнувањето на конфликтот.