„Фајненшл тајмс“ во својот најнов извештај ја истакнува новата тактика што ја користи руската војска која станува смртоносна за вооружените сили на Украина.
Оваа тактика, според изданието, предизвикува огромни загуби во редовите на украинските војници, надминувајќи ги дури и оние регистрирани за време на таканаречената „мелница за месо Бахмут“.
Според „Фајненшл тајмс“, руската војска користи лукава стратегија за да ги намами украинските војници на мински полиња. По влегувањето на трупите на украинската армија на овие полиња, руските сили нанесуваат тешки удари со различни видови оружје, вклучително и артилерија и авиони.
Во случај украинските војници да успеат да се пробијат и да се приближат до позициите на руските војници, Русите веднаш се повлекуваат на резервните позиции. Во меѓувреме, претходно окупираните ровови и утврдувања се изложени на бомбардирање.
Оваа тактика станува сè попроблематична за Украинците бидејќи вклучува не само физички загуби, туку и деморализирање на војниците. Ваквите маневри на руската армија ја доведуваат во прашање способноста на украинските војници да извршуваат успешни офанзивни операции без значителни загуби.
Пронајдете не на следниве мрежи:
