Четири уреди се „потрошувачи“ на електрична енергија во домаќинствата – машини за перење (и сушење), машини за миење садови, фрижидери и телевизори.
Речиси секое домаќинство поседува најмалку три од тие четири уреди.Наместо рачно миење садови, се препорачува да користите машина за миење садови, бидејќи на тој начин се заштедува и струја и вода.
Исто така, се препорачува да користите кратка програма за перење со ниски температури.Колку е поголем капацитетот на машината за миење садови, толку е поголема потрошувачката на струја и вода. Затоа е препорачливо да се разгледаат потребите за перење на домаќинството пред да се купи машина. Совет е добро да го наполните просторот на машината пред да започнете со миење, а во неа да ги распоредите садовите за максимално да се искористи просторот.
Бидејќи детергентите за перење и омекнувачите ја загадуваат околината, експертите препорачуваат нивна умерена употреба. Дури и со машината за перење се препорачува перење на пониски температури, бидејќи тогаш потрошувачката на енергија е значително помала. Барабанот не треба да се набива до горе, но ниту да биде „пола барабан“.
Експертите велат дека машината е полна кога ќе ја ставите раката во барабанот без да ја притиснете облеката. И во овој случај важи правилото: колку е поголем капацитетот на машината, толку е поголема потрошувачката на енергија и вода. Комбинираните уреди, за перење и сушење алишта во едно, се помалку ефикасни од поединечните.
Правилото „големината е важна“ важи за телевизорите, бидејќи поголем екран значи поголема потрошувачка на енергија. Ќе го добиете најдоброто искуство за гледање кога екранот зафаќа приближно 40 проценти од вашето видно поле. Затоа се препорачува големината на ТВ екранот да се приспособи на големината на просторијата. Исто така, експертите советуваат да не го држите телевизорот вклучен кога нема никој во просторијата.
Фрижидерите се исто така големи „потрошувачи“ на енергија во домаќинствата. Меѓутоа, бидејќи не можете без нив, советот е да одржувате рамномерна температура од 5°C во нив заради ефикасна потрошувачка на енергија. Фрижидерот треба да биде поставен што подалеку од извори на топлина, шпорети и печки, но и подалеку од сончевите зраци.
Исто така, фрижидерот треба да биде поставен подалеку од ѕидот за да овозможи воздухот да тече околу задниот дел на фрижидерот. Важно е редовно да го чистите и да внимавате внатрешноста да е сува.
Пронајдете не на следниве мрежи:
