УНГАРСКИОТ премиер Виктор Орбан изјави дека единствениот начин да се стави крај на војната во Украина е реизборот на Доналд Трамп. За време на интервјуто со поранешниот водител на Fox News, Такер Карлсон, Орбан ја пофали надворешната политика на Трамп и ја критикуваше администрацијата на Џо Бајден и нејзиниот пристап кон војната, пишува Sky News.
Тој рече дека враќањето на Трамп на функцијата ќе биде единствениот излез од конфликтот и дека секоја сугестија за победа на Киев е лага. „Русите се далеку посилни, многу побројни од Украинците“, рече Орбан.
„Поканете го Трамп… Ова е човекот кој може да го спаси западниот свет. Орбан, исто така, за време на интервјуто рече дека западните земји треба да склучат договор со Путин кој нема да вклучува враќање на Крим и членство на Украина во НАТО.
Пронајдете не на следниве мрежи:
