Постојат некои традиционални јадења кои се незамисливи без пројата.
По рецептот на нашите баби, тие се прават многу лесно и не бараат голема кулинарска умешност.
Пројата од жолтото пченкарно брашно некогаш била главна храна на трпезите на нашите баби, а денес спаѓа во леб кој не се јаде толку често.
Покрај што е вкусна таа има и здравствени предности. Пченкарното брашно е исклучително здраво поради тоа што го намалува холестеролот и високиот крвен притисок, а добро е и за системот за варење на храната, а поради цинкот го јакне имунитетот.
Состојки:
- 500 грама пченкарно брашно;
- 1 полна лажица свинска маст;
- 2 лажици сода бикарбона, сол по вкус;
- 700 милилитри млака вода.
Подготовка:
Во сад ставете го брашното, маста, содата бикарбона, солта и сите состојки помешајте ги со виљушка. Додадете вода и матете смесата да стане како каша.
Плехот за печење подмачкајте го со малку брашно, па додадете ја смесата.
Со лажица израмнете ја површината и ставете ја пројата да се пече во рерна која претходно сте ја згреале на 220 степени Целзиусови, 45 минути.
Послужете додека е топла, пријатно јадење!
