Имено, државниот хидрометеоролошки институт на Велика Британија соопшти дека на територијата на островската држава се очекува да наврнат повеќе од 38 сантиметри снег.
Поради оваа причина издадени се предупредувања за натамошни можни промени во патниот и авиосообраќајот, а се очекува дел од руралните средини да останат без електрична енергија.
Се предвидува дека најлошо ќе помине централна Англија, каде се очекува граѓаните да останат без интернет и сите други канали за комуникација.
Скај њуз пишува дека метеоролозите предвидуваат дека во Јоркшир на северот на Англија снег би можел да паѓа 31 час без да застане.
Температурата забележана во селото Кинбраис во северна Шкотска во вторникот навечер, кога беа измерени -15,4 степени Целзиусови, е најниска оваа година, а се очекува да продолжи да паѓа.
И додека на југот на Англија паѓа снег како последица на студен фронт, на брегот на Северното Море, т.е. „Снег на морски ефект“ се очекува на истокот на Англија. Се формира кога ледената воздушна маса која се движи над потоплата површина на Северното Море станува богата со водена пареа и носи снег на англискиот брег на Северното Море. На ова подрачје се очекуваат два до пет сантиметри снег.
Во оваа прилика се огласи и портпаролката на англискиот хидрометеоролошки институт, Никол Макси, која рече дека „арктичкиот морски воздух“ се приближува кон Англија од север и дека токму тој ќе предизвика снежна бура која ќе се прошири на целата земја до крајот на неделата.
Агенцијата за здравствена безбедност на Обединетото Кралство издаде предупредување за студено време на трето ниво, што значи дека ќе се контактираат ранливите и ризичните луѓе, а здравствените служби очекуваат нагло зголемување на побарувачката за нега.
Тие советуваат домовите да се затоплуваат на најмалку 18 Целзиусови степени, особено за оние кои се неподвижни, имаат долгогодишно боледување или имаат над 65 години.
Поради ова, две електрани на јаглен повторно почнаа да произведуваат струја, иако пред само неколку дена престанаа да работат.
Инаку, „Арктичкиот морски воздух“, кој сега пристигна во Британија, во декември ги „посети“ САД. Тамошните метеоролозите на оваа снежна бура ѝ дадоа име што верно ја евоцира неговата разорна моќ – „циклонска бомба“.
