Секторот за внатрешни работи Скопје, до надлежното Основно јавно обвинителство-Скопје, поднесе кривична пријава против Ф.Л.(26) од скопското село Грчец, поради постоење основи на сомнение дека сторил кривично дело “недозволено изработување, држење и тргување со оружје или распрскувачки материи“, казниво по член 396 од Кривичниот законик.
МВР денес соопшти дека во неделата вечер околу 23:40 часот на булевар “Партизански одреди“, при преглед на патничко возило “Мерцедес“ со скопски регистарски таблички, управувано од пријавениот, полициски службеници пронашле и одзеле пиштол со една рамка со пет куршуми калибар 9 милиметри. Пријавениот оружјето го поседувал без дозвола и бил лишен од слобода.
