На плоштадот “Методија Андонов-Ченто“ во Прилеп на отворениот ден со кои армијата и земјава одбележува 70 години од формирањето на НАТО беше изложено формациско и лично оружје на АРМ, кое се користи во одбраната на земјава и во мировните мисии.
Во своето обраќање заменикот командант на здружената оперативна команда, бригадниот генерал Орце Јордев истакна дека јубилејот е толку значен колку и фактот што токму до крајот на годинава земјава ќе стане полноправна членка на НАТО.
Со влегувањето во Алијансата многу војници, старешини и граѓани од Македонија ќе станат членови на националните комитети во најголемата светска воена организација, а институциите и организациите ќе треба да се реорганизираат според НАТО стандардите.
