Длабокото деколте на бразилската пратеничка Ана Паула да Силва на полагањето заклетва предизвика остри реакции во Бразил.
Како што наведува „АП“, таа се најде во центарот на вниманието во бразилските медиуми и на социјалните мрежи поради облеката која ја носела на 1 февруари.
Многумина нејзиниот моден вкус го нарекоа непристоен, шокантен и вулгарен, додека според други облеката не е важна.
Santa Catarina state lawmaker Paulinha was heavily attacked on social media due to the cleavage she wore when she took office last Friday. 6,300 comments were posted on Facebook, mostly misogynist. She stated she’ll keep on wearing what she feels like. pic.twitter.com/ReYUZxSZ1Q
— The Brazilian Report (@BrazilianReport) February 6, 2019
Да Силва се огласила на Фејсбук, бранејќи го својот избор на облека.
„Овој мачо свет полн со предрасуди во кој живееш не е мој свет“, му одговори на еден маж кој ја праша како нејзиното деколте допринесува за демократијата.
Како што изјавила, таа сведочела како многу мажи во одела и кравати грабаат пари од здравствениот систем, што смета дека е неприфатливо.
Да Силва била петта по бројот на освоени гласови на минатогодишните избори за собрание, а пред тоа отслужила два мандати како градоначалничка на Бомбињас, наведува агенцијата.
Таа е мајка на две деца и порачала дека ќе продолжи да носи тоа што и се допаѓа.
Сепак, се заканила дека ќе ги тужи оние кои и испратиле најагресивни пораки.
