Доколку ви останало бело пилешко месо, можете да го помешате со сос од печурки и да добиете фил за печурки, но исто така можете да го испржите месото во тава. По желба додајте сирење врз палачинките и оставете ги да се потпечат во фурна, а друга одлична верзија е да ги наполните и да ги прелиете со сосот од печурки. Можете да додадете и копар доколку сакате специјалитетот да добие фина арома.
Потребни состојки:
10 палачинки
1 лажица маслиново масло
400 гр шампињони
1 лажица путер
2 чешниња лук
кромид
2 парчиња пилешки гради
300 мл пилешка супа
½ лажица сенф
1 лажичка слатка чадена пиперка
250 мл крем
сечкан магдонос или копар
сол и црн пипер
Начин на подготовка:
1. Исчистете ги печурките и исечкајте ги на коцки. Исечкајте ги лукот и кромидот, а пилешкото исечете го на ленти.
2. Во тава на средна температура додајте го маслото и путерот. Додајте ги и кромидот, лукот и печурките и пржете околу 3-4 минути. Смесата од тавата префрлете ја во друг сад.
3. Пржете го пилешкото додека не порумени. Додајте ги зачините.
4. Смесата со печурките вратете ја во тавата, додајте го кремот, сечканиот магдонос или копар и пржете 8-10 минути додека сосот не згусне.
5. Додајте сол и црн пипер по вкус. Наполнете ги палачинките со смесата и послужете ги. Добар апетит!
