Владата ќе троши на чоколадо, а за граѓаните ќе нема за леб

СДСМ уште еднаш реагира на предлог буџетот од страна на власта, велејќи дека со него граѓаните не добиваат ништо.

„Првиот предлог Буџет на владата на Мицкоски е најрасипнички во историјата на Македонија.

Буџетот е тежок 6,5 милијарди, толку планира власта да потроши, но наместо за поголеми плати на работниците, повисок животен стандард на граѓаните, образование, здравство, раст и развој на економијата власта ги зголемува трошоците за службени возила и луксуз за 75%.

Парите за купување мебел власта на Мицкоски ги зголеми за 5 пати.

Со Буџетот Владата на Мицкоски предвидува зголемување и на непродуктивните трошоци за стоки и услуги а во истиот момент ги кратат капиталните расходи во клучни сектори како образование и здравство.

Власта не се грижи за граѓаните, стоките и услугите се поважни од здравјето на граѓаните, од образованието на младите.

Расипничкото однесување се случува во услови на високо ниво на јавниот долг кој со новите долгови ќе ја надмине границата од историски највисоко ниво на јавен долг од 70,8%.

Со вакви политики, Владата само ќе ја задолжува државата, ќе товари нови вработувања во администрацијата, ќе го зголемува долгот, ќе си троши на стоки и услуги, а за граѓаните ќе нема ништо.

За себе Владата на Мицкоски ќе троши за чоколадо, а за граѓаните сув леб“, велат од СДСМ.

Пронајдете не на следниве мрежи:©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.