Младата аргентинска ѕвезда Енцо Фернандез, кој беше прогласен за најдобар млад фудбалер на Светското првенство во Катар, пред шест години напиша едно писмо кое изминатиов период стана хит, како 15-годишно дете, молејќи го Лионел Меси да не се повлекува од репрезентацијата после серијата неуспеси со „гаучосите“.

Фернандез, кој сега е во фокус поради можниот џиновски трансфер од Бенфика во некој гигант, а според сумата би бил петти најскап во историјата на фудбалот, откри колку многу го сака Меси, со кого Аргентина пред 11 дена стигна до првата светска титула по 36 години пауза.